L’objectiu del debat “La proteccion dels artistas en risc e los dreches culturals” es sensibilizar suls efièches de la guèrra e lo conflicte sus la vida culturala de la populacion e soscar sus las orientacions de Nacions Unidas dins lo camp de la destruccion intencionada de patrimòni e los efièches dels conflictes belics. Aquel encontre, ont participaràn divèrses agents culturals e socials, cèrca de promòure la solidaritat amb los artistas, interprèts, creadors, etc. que los cal abandonar son país o vila per motius de guèrra o conflicte e òm presentarà d’experiéncias ont òm los ofrís refugi e atencion. La jornada comptarà amb qualques intervencions sus las accions que divèrsas organizacions menan a tèrme a Barcelona e amb l’apòrt d’una recèrca sul legat de Pau Casals dins aquel encastre. Tot aquò dins lo quadre de concrecion e aplicacion dels dreches culturals. De son costat, la Fondacion Gabeiras es una entitat creada en 2016 que se consacra a la recèrca, difusion e incidéncia en matèria de dreches culturals. Dins de las siás linhas de trabalh, per la debuta de 2023 la Fondacion, avièt un grop de trabalh multidisciplinari per abordar lo debat actual tanhent a la “cultura coma ben basic”. Lo debat “La cultura coma ben public mondial” ensajarà d’expausar lo trabalh realizat fins al moment pel grop e tanben los apòrts d’agents de granda importància dins l’encastre cultural latinoamerican amb la tòca de contrastar los divèrses apròchis que vòlon respondre a las questions: de qué sèm a parlam quand parlam de ben basic de cultura, quina es la diferéncia entre los divèrses concèptes e quin futur nos dessenha aquel novèl quadre teoric.