“Samis, soliam viure dins la tondra” mòstra la lucha d’aquel pòble indigèna de Russia per preservar las siás practicas ancestralas davant lo cambiament climatic e una modernitat qu’a transformat la siá vida nomada. “Mapuche, lo retorn de las voses ancianas” representa la resisténcia del pòble mapuche en la Patagònia, qu’après de sègles d’invasions afronta uèi la menaça de petrolièras, fracking e d’entrepresas extractivas. “Impact of war” ofrís un agach als efièches umans de la guèrra d’Ucraïna: destruccion, dolor, desplaçament e trauma. Fin finala, “Leila” explica l’istòria d’una femna iraniana atacada amb acid, simbòl de la violéncia masclista dins lo Sud Global.