Amb motiu de la Mercè, Barcelona convida cada an una autra vila del mond a i participar e las doas vilas partejan un procès de trabalh artistic comun que permet generar sinergas, escambiar experiéncias, aquerir d’aprendissatges e traçar complicitats entre artistas, companhiás e agents culturals d’una e autra vila. Aqueste 2025, la vila convidada es Manchester, vila que parteja amb Barcelona un passat industrial e de movement obrièr, e una granda riquesa culturala ligada a las industrias creativas. Aital, aquelsta jornada professionala abordarà qualques subjèctes clau sus las practicas artisticas sus l’espaci public, en metent l’amira de manièra fòrça significativa en la diversitat e lo bastiment comunitari, en prenent en compte qu’aquel es un element fòrça present dins l’ADN de las doas vilas. La jornada es adreçada a professionals catalans de las arts de carrièra, mai que mai programaires de festenals, e tanben a artistas, entitats e organizacions culturalas interessadas en la participacion comunitària.